وېسټ له کرزي سره د نجونو د زدهکړو او ښځو د کار په اړه غږېدلی
- 1 کال دمخه (16/04/2023)
- سمسور نیوز
- 652
سمسور نیوز (۲۷وری۱۴۰۲) د افغانستان لپاره د امریکا ځانګړي استازي توماس وېسټ له پخواني ولسمشر حامد کرزي سره د نجونو د زده کړو او مېرمنو د کاري حقونو ورکړې په اړه خبرې کړې دي.
نوموړي پرخپله ټوېټرپاڼه لیکلي، چې په دې ټلیفوني خبرو کې یې مېرمنو ته د کار او نجونو ته د زده کړو د حقونو د ژر ورکړې ترڅنګ یې د افغانانو ترمنځ یې د خپل منځي خبرو په اړه هم بحثونه کړي.
په ورته مهال حامد کرزي هم پرخپله ټوېټرپاڼه لیکلي، چې په دې خبرو کې د نجونو زده کړې او د مېرمنو د کاري حقونو ورکړه مهمه بلل شوې او په افغانستان کې د سولې او ثبات لپاره د ملي خبرو پر پیل ټینګار شوی.
کرزي دغه راز لیکلي چې په دې خبرو کې له افغانستان سره د بشري مرستو پر دوام هم خبرې شوې دي.
د یادونې وړ ده، چې ټام ویسټ وړمه ورځ په دوحه کې هم له یو شمېر افغانانو سره لیدلي وو.