سمسور

له ایرانه شااوخوا پنځه زره افغان کډوال هېواد ته راستانه شول

• 1 کال دمخه (23/08/2023)
• سمسور نیوز
• 548

تېرو دوه ورځو کې شااوخوا پنځه زره افغان کډوال بېرته هېواد ته را ستانه شوي دي.

د کډوالو او بېرته را ستنېدنکو چارو وزارت پرخپله ټوېټرپاڼه لیکلي چې تېره ورځ له ایران څخه دوه زره ۳۰۸او  افغان کډوال وطن ته راستانه شول.

د سرچینې د معلوماتو له مخې، له دغو کډوالو سره ۹۹۹ تنه د کډوالو نړیوال سازمان ته د مرستو لپاره ور پېژندل شوي دي.

په همدې حال کې وړمه ورځ هم د ایران له لارې دوه زره او ۴۸۲ افغان کډوال را ستانه شوي وو، چې ۸۷۲ تنه یې د مرستو لپاره د کډوالو نړیوال سازمان ته ورپېژندل شوي وو.

یاد کسان په داسې حال کې راستنیږي، چې اوس مهال له افغان کډوالو سره د ایران او پاکستان هېوادونو له لوري ناوړه چلند کېږي.