بامیانو کې یو ۱۳ کلن هلک ځانوژنه کړې
- 1 کال دمخه (14/11/2023)
- سمسور نیوز
- 405
سیمه ییز امنیتي چارواکي وایي، په بامیان ولایت کې یو ۱۳ کلن هلک ځان ځړولی او خپل ژوند یې پای ته رسولی دی.
د یاد ولایت امنیه قوماندانۍ په یوه خبر پاڼه کې ویلي، چې دغه پېښه تېره شپه د بامیان مرکز په شهیدان سیمه کې رامنځ ته شوې ده.
خبر پاڼه کې زیاته شوې، چې د امیر خان په نوم دغه هلک په خپل کور کې ځان په دار کړی دی.
تر اوسه د دغې پېښې علت څرګند نه دی.
سرچینې د پېښې په تړاو د پلټنو پیلېدو خبر ورکړی دی.
په دې وروستیو کې په هېواد کې دا ډول پېښې زیاتې شوې دي.
ارواه پوهان د دا ډول پېښو لامل کورنی تاوتریخوالی او فقر ګڼي.