ایران مشهد ښار کې د افغانانو پر ګرځنده فعالیتونو بندیز ولګاوه
- 10 مياشتي دمخه (24/12/2023)
- سمسور نیوز
- 351
د ایران د خراسان رضوي ولایت د مرکز مشهد په بازارونو کې د افغانانو او نورو بهرنیو وګړو فعالیتونه منع شوي دي.
د مشهد د ښاروالۍ ورځپاڼې «شهرآرا» خبر ورکړی، چې د دغه ښار چارواکو په مهالنیو بازارونو کې د افغانانو په ګډون د بهرنیو وګړو کار کول منع کړي دي.
د خراسان رضوي ولایت چارواکو یوازې په مشهد ښار کې د هغو افغانانو شمېر نږدې پنځه سوه زره ښودلی، چې هلته د استوګنې اسناد لري.
تر دې مخکې د ایران په ځینو نورو ښارونو کې هم پر افغان وګړو ځینې محدودیتونه لګول شوي وو.
د راپورونو له مخې، ایران سږ کال څه باندې درې سوه زره افغان کډوال په جبري ډول له خپلې خاورې اېستلي دي.