کرزی: د نجونو پر وړاندې دې د زده کړو بندې دروازې بېرته برانېستل شي
- 11 مياشتي دمخه (14/01/2024)
- سمسور نیوز
- 340
د هېواد پخواني ولسمشر حامد کرزي د یوناما له مشرې روزا اوتونبایوا سره په کتنه کې د نجونو د ښوونځیو او پوهنتونونو پر پرانېستو ټینګار کړی دی.
کرزي پر خپله ایکس پاڼه لیکلي، چې په دې کتنه کې د تلپاتې سولې او ثبات لپاره ملي خبرې اترې مهمې بللې دي.
په ورته مهال نوموړي د افغانستان لپاره د ایران ځانګړي استازي او په کابل کې د دغه هېواد له سفیر حسن کاظمي قمي سره هم کتلي دي.
هغه په دې لیدنه کې د سیمې او افغانستان پر وروستیو حالاتو خبرې کړې او د دواړو هېوادونو همکاري یې اړینه بللې ده.
کرزي له کاظمي قمي سره په لیدنه کې هم د تلپاتې سولې لپاره ملي خبرې اترې پیلیدل یوه اړتیا بللې.
د یادونې ده چې کرزي تر دې وړاندې هم په ملي ډیالوګ ټینګار کړی، خو اسلامي امارت وايي، غېږ یې د ټولو لپاره پرانیستې او چا سره د خبرو اړتیا نه ویني.