سمسور

روسیې او اوکراین یو بل سره لسګونه بندي سرتیري تبادله کړي

• 9 مياشتي دمخه (01/02/2024)
• سمسور نیوز
• 401

روسیې او اوکراین تېره ورځ یو د بل لسګونه بندیان سره تبادله کړي دي.

د روسي رسنیو د راپورونو له مخې، مسکو د چهار شنبې په ورځ د اوکراین ۲۰۷ سرتیري له ۱۹۴ روسیي سرتېرو سره تبادله کړي.
په ورته مهال بیا د اوکراین جمهور رییس ولادمیر زیلنسکي د خپلو بندي سرتېرو د خوشې کېدو هرکلی کړی او ویلي یې دي، چې خپل هر بندي سرتېری یې په یاد دی.

دا سرتیري په داسې حال کې تبادله کېږي چې تېره اوونۍ په روسیه کې هغه الوتکه ویشتل شوې وه، چې ۶۵ اوکرایني بندي سرتیري په کې سپاره وو.
د یادونې وړ ده چې تر دې وړاندې د جنوري په درېیمه نېټه هم ۲۳۰ اوکرایني بندي سرتیري له  ۲۴۸ روسیي بندي سرتېرو سره تبادله شوي وو.