د افغانستان بانک نن ۱۷ میلیونه امریکایي ډالر لیلاموي
- 9 مياشتي دمخه (19/02/2024)
- سمسور نیوز
- 395
د افغانستان مرکزي بانک ویلي، چې د افغانیو د ارزښت ساتلو په هدف به نن دوشنبه، ۱۷ میلیونه ډالره د لیلام له لارې وپلوري.
یاد بانک له مستحقو بانکونو او د پولي خدمتونو له شرکتونو غوښتي چې په دغه داوطلبۍ کې ګډون وکړي.
اعلامیه زیاتوي چې د ليلام ګټونکي مکلف دي تر څو د ليلام د ورځې تر پاىه پورې خپل حسابونه تصفيه کړي .
د افغانستان مرکزي بانک زیاته کړه چې د اسعارو د لیلام په داوطلبۍ کې د راکړې ورکړې جزوي تصفیه اجازه نه لري.
د يادونې وړ ده، چې تر دې وړاندې د افغانستان مرکزي بانک د بهرنيو اسعارو پر وړاندې د افغانۍ د ثبات د ټينګښت په هدف ميليونونه ډالر ليلام کړي وو.