ترکي پولیسو په اماسیا ښار کې ۴۰ افغان کډوال نیولي
- 8 مياشتي دمخه (31/03/2024)
- سمسور نیوز
- 294
ترکي پولیسو هغه ۴۰ افغان کډوال نیولي، چې د خوراکي توکو په یو موټر کې ځای پر ځای شوي وو.
د اماسیا پولیسو ویلي، چې دغه کډوال یې د لاریو د کتلو پر مهال پېژندلي او نیولي دي.
د پولیسو په خبره، نیول شوي کډوال له اغرې ښار څخه استانبول ته روان وو.
ډېری دغه کډوال د یوې میرمنې په ګډون د ۱۸ او ۲۵ کلونو ترمنځ عمری لري.
دغه کسان په اړوند ښار کې د بهرنیو وګړو مرکزونو ته لیږدول شوي، چې تر قانوني پروسې وروسته به افغانستان ته واستول شي.
د ترکیې تر څنګ ایران او پاکستان هم په وروستیو کې افغانستان ته غیر قانوني افغانانو د اخراج لړۍ چټه کړې ده.