ازبکستان له افغانستان سره په رېلي تعرفو کې ۵۰ سلته کمښت راولي
- 8 مياشتي دمخه (01/04/2024)
- سمسور نیوز
- 268
د افغانستان د اوسپنې پټلۍ ادارې رئیس ملا بخت الرحمن شرافت د ازبکستان د ریل پټلۍ ادارې له مرستیال او مل پلاوي سره په کتنه کې د دوه اړخيزو رېلي همکاريو پر پراختيا خبرې کړې.
په دې کتنه کې د ازبکستان د رېل پټلۍ ادارې مرستیال حکمت الله رحمت اوف ویلي، چې هېواد یې غواړي له افغانستان سره په رېلي تعرفو کې ۵۰ سلنه کموالی راولي.
هغه دغه راز ژمنه کړې، چې هېواد به یې د افغانستان د رېل پټلۍ له لارې انتقالات زيات او ټرانزېټي بهير ته وده ورکړي.
د افغانستان د رېل پټلۍ اداره وایي، د حيرتان - مزارشريف مسیر په نايب اباد سټيشن کې به د تازه مېوو او سبزيجاتو لپاره د تخليې او بارګيرۍ په هدف مجهز ساتنځای هم جوړ شي، چې د افغانستان تازه مېوه او سبزيجات له ځنډ او خرابوالي پرته منځنۍ اسيا، اروپا او بهرنیو هېوادونو ته صادر شي.
د اوسپنې پټلۍ ادارې له دې وړاندې د روسیې د رېل پټلۍ ادارې له مرستيال اليا کازاکوف سره هم د رېل پټلۍ پر پراختيا خبرې کړې وې.