د کابل - جلال اباد پر لویه لاره ټرافیکي پېښه کې ۵ کسان وژل شوي
- 7 مياشتي دمخه (25/04/2024)
- سمسور نیوز
- 329
د کابل – جلال اباد پر لویه لار د ټرافیکي پېښې له امله ۵ کسان وژل شوي او ۱ بل ټپي دی.
د کابل د امنیه قوماندانۍ ویاند خالد ځدراڼ پر خپله اېکس پاڼه لیکلي، چې دا پېښه تېره ورځ د کابل د سروبي ولسوالۍ په اړونده سیمه کې شوې ده.
هغه زياته کړې، چې پېښه له غره سره د کرولا موټر تر ټکر وروسته رامنځ ته شوې.
د سرچینې په خبره، د پېښې ټپي روغتون ته وړل شوی دی.
د کابل - جلال اباد لویه لار د هېواد له خونړیو لویو لارو څخه ګڼل کېږي او لږ تر لږه هره ورځ د ټرافیکو پېښو شاهده وي.
د سړک تنګوالی، د موټرو زیاتوالی او د موټر چلوونکو بې احتياطي پر دې لاره د ټرافیکو پېښو مهم علتونه بلل کېږي.