سمسور

افغانان دې خپل هېواد ته له پټ سفر کولو ډډه وکړي

• 3 مياشتي دمخه (17/08/2024)
• عبدالبصیر رحمت زی
• 167

د مهاجرینو لپاره د المان استازی افغانانو ته ګواښ کړی چې، افغانستان ته دې له پټ سفر کولو ډډه وکړي. 

یوواخیم اسټامپ ویلي، د المان دروازې دې د نړۍ پر مخ خلاصې وي، خو مونږ هم احمقان نه یو. 

نوموړی وایي هغه کسان چې دغه هېواد ته د پناه غوښتنې په نوم راغلي او اوس بېرته د سیاحت په خاطر خپل هېواد ته ځي، د پناه غوښتنې حق به له لاسه ورکړي او المان کې نور نشي اوسېدلی.

دا خبرې د المان د ار ټي ال تلويزیون له راپور وروسته کېږي، یاد راپور ښیي چې افغانان د هامبورګ د ټکټونو له مرکزونو ټکټونه اخلي او افغانستان ته ځي.