سمسور

وردګو کې ترافیکي پېښې ۶ کسانو ته مرګ ژوبله اړولې

• 3 مياشتي دمخه (15/09/2024)
• شریف الله وليزاد
• 120

د میدان وردګ د ولایت اطلاعاتو او کلتور ریاست وایي، د یاد ولایت په مرکز میدان ښار کې د یوې ترافیکي پېښې له امله درې کسان مړه او درې نور ټپیان شوي دي. 

یاد ریاست نن په یوه خبرپاڼه کې ویلي، دا ترافیکي پېښه د یوه ټېلر او فلډر موټر د ټکر په نتیجه کې رامنځته شوې ده. 

خبرپاڼه زیاتوي، چې په مړو شویو کسانو کې د یوې کورنۍ مور او پلار او یوه یې لور هم شامله ده او ژوبل شوي کسان د امنیتي ځواکونو لخوا د میدان ښار مرکزي روغتون ته لېږدول شوي دي. 

په خبرپاڼه کې د یادې ترافیکي پېښې د رامنځته کېدو لامل نه دی بیان سوی؛ خو تر دې وړاندي دا ډول ترافیکي پېښې د بې احتیاطۍ، تېز تګ راتګ او ځينو نورو عواملو له امله رامنځته شوي دي.