برازیل د فوټسال نړیوال جام اتلولي خپله کړه
- 2 مياشتي دمخه (07/10/2024)
- سمسور نیوز
- 68
برازیل د ۲۰۲۴ کال فوټسال نړیوال جام په پای لوبه کې ارجنټاین ته ماتې ورکړه او د دغو سیالیو اتلولي یې وګټله.
دا لوبه تېره شپه د ازبکستان پلازمېنې تاشکند په هما لوبغالي کې ترسره شوه او برازیل وتوانېد، چې ارجنټاین ته ۲-۱ ماتې ورکړي.
د یادونې ده چې برازیل تر اوسه شپږ ځله د فوټسال نړیوال جامونه ګټلي دي.
له بلې خوا د ۲۰۲۴ کال فوټسال نړیوال جام په سیالیو کې اوکراین فرانسې ته په ماتې ورکولو سره درېیم مقام وګاټه.
د فوټسال نړیوال جام سیالۍ د افغانستان په ګډون د ۲۴ لوبډلو په ګډون د سپټمبر په ۱۴مه په ازبکستان کې پیل شوې وې.
د افغانستان د فوټسال ملي لوبډلې چې د لومړي ځل لپاره نړیوال جام ته لار موندلې وه، د درې نمرو په لرلو او په ګروپي پړاو کې د یوې غوره لوبډلې په توګه د ۱۶ پړاوونو ته لار پیدا کړه، خو د پاراګوای پر وړاندې له ماتې وروسته بهر شوه.