سمسور

د پاکستان له زندانونو څخه ۲۸ تنه افغان بندیان آزاد شوي

• 2 مياشتي دمخه (08/10/2024)
• شریف الله وليزاد
• 99

د کډوالو چارو وزارت د پاکستان له زندانونو څخه د اتو ماشومانو په ګډون د ۲۸ تنو افغان بندیانو د آزادېدو خبر ورکړی دی. 

دغه وزارت پر خپله ویب پاڼه لېکلي، چې دا کسان په یاد هېواد کې د اوسېدو د اسنادو نه درلودلو له امله نېول شوي وو او تر شاوخوا دوو میاشتو بند وروسته هېواد ته راستانه شوي دي. 

په ویب پاڼه کې لېکل شوي، چې دا کسان د ننګرهار پر تورخم هېواد ته راستانه شوي او د مرستو ترلاسه کولو په موخه د کډوالۍ نړیوال سازمان (I.O.M) ته ورپېژندل شوي دي. 

دا پداسې حال کې ده، چې تېره چهارشنبه هم د یاد هېواد د پېښور له زندان څخه د ۱۵ تنو افغانانو د آزادېدو خبر ورکول شوی و.