سمسور

مک ډونالډ رسټورانټ نه دی ډاډمن چې هرېس دې پکې کار کړی وي

• 1 مياشت دمخه (22/10/2024)
• عبدالبصیر رحمت زی
• 37

نیویارک پوسټ خبر ورکړی چې مک ډونالډ رسټورانټ په ډاډمنه توګه نشي ویلی چې کاملا هرېس دې د دوی په يوې څانګې کې کار کړی وي. 

دا ناندرۍ داسې مهال د رسنیو د سر ټکی شو، چې د کاملا هرېس سیال ډونالډ ټرمپ د مک ډونالډ په یوه رسټورانټ کې د کار کولو پر مهال په ټولنیزو رسنیو خپل انځورونه خپاره کړل. 

یاد رسټورانټ زیاته کړې چې که څه هم ډاډمن نه دي،  خو که کاملا هرېس د دوی په کومه څانګه کې کار کړی وي، د دوی لپاره د ویاړ خبره ده. 

د یادونې ده چې تر دې وړاندې هرېس ویلي وو، چې هغې د زدکړیالۍ په مهال په ۱۹۸۳ کال کې د مک ډونالډ رسټورانټونو په یوه څانګه کې کار کاوه، خو د هغې دا خبره ټرمپ دروغ بللې وه او تازه ددغه رسټورانټ یوې څانګې ته د کار کولو په پار ورغلی ؤ.