سمسور

هند؛ په ممبی ښار کې د افغانانو لپاره د پاسپورټونو وېش پيل شوی

• 1 مياشت دمخه (11/11/2024)
• سمسور نیوز
• 47

سرپرست حکومت د هند په ممبی ښار کې د خپلې جنرال قونسلګرۍ لخوا د پاسپورټونو د وېش خبر ورکړی دی. 

د بهرنیو چارو وزارت د ویاند مرستیال پر خپله اېکس پاڼه لېکلي، چې یاد وزارت د هندوستان په ممبۍ ښار کې د افغانستان جنرال قونسلګرۍ ته هدایت کړی، څو د پاسپورټونو د ویش پروسه د افغان مهاجرینو، محصلینو او سوداګرو د اړتیاوو د حل په موخه پیل کړي.

دا په داسې حال کې ده، چې کابل ته د هندوستان د پلاوې تر راتګ وروسته د هند او سرپرست حکومت اړيکې په پراخېدو دي.