د صنعت او سوداګرۍ وزیر ترکیې ته تللی
- 2 اونۍ دمخه (27/11/2024)
- عبدالبصیر رحمت زی
- 36
د صنعت او سوداګرۍ وزارت سرپرست ترکیې ته په سفر تللی دی.
ترکیې ته د نورالدین عزیزي د دغه سفر هدف د حلال نړیوال نندارتون د پرانیستې مراسمو کې ګډون ښودل شوی دی.
یاد نندارتون چې ښاغلی عزیزي به پکې وینا هم وکړي، ټاکل شوې نن پرانېستل شي او تر راتلونکو دریو ورځو به دوام وکړي.
د یادونې ده چې دغه نندارتون کې به د افغانستان قالینې، وچه مېوه، قیمتي او کم قیمته ډبرې هم نندارې ته وړاندې شي.