پر غزې د اسرائیلو په بریدونو کې ۲۶ فلسطینیان وژل شوي
- 3 ساعته دمخه (22/06/2025)
- سمسور نیوز
- 5
پر غزې د اسرائیلي ځواکونو د بریدونو په بریدونو کې ۲۶ فلسطینیان وژل شوي دي.
وفا خبري آژانس راپور ورکړی چې له دې ډلې ۱۱ تنه هغه فلسطینیان دي چې د غزې د بشردوستانه مرکز مخته د خوړو مرستو د ترلاسه کولو لپاره راټول شوي وو.
له بلې خوا، د غزې په جنوب کې د المواصي کډوالو پر کمپ د اسرائیلو د بېپیلوټه الوتکې په برید کې درې فلسطینیان وژل شوي او څو تنه نور ټپیان دي.
د فلسطین د روغتیا وزارت د معلوماتو له مخې، د ۲۰۲۳ کال د اکتوبر له اوومې نېټې راهیسې، پر غزې د اسرائیلو په بریدونو کې نږدې ۵۶زره فلسطینیان وژل شوي دي.
په دغو بریدونو کې تر ۱۳۱ زرو زیات نور کسان ټپیان شوي دي.