سمسور

د یوناما مشره: له زده کړو د نجونو محرومیت به افغانستان منزوي کړي

• 10 مياشتي دمخه (24/01/2024)
• سمسور نیوز
• 393

افغانستان کې د ملګرو ملتونو مرستیالۍ دفتر (یوناما) مشرې روزا اتونبایوا ویلي چې مساوي زده کړې په افغانستان کې نه یوازې بشري بنسټیز حق بلکې د دغه هېواد د راتلونکې بنسټ دی.

اغلې اتونبایوا د زده کړو نړۍوالې ورځې په مناسبت یو ویډیويي پیغام کې ویلي، له زده کړو به د افغان نجونو محرومیت نه یوازې په ټولو افغانانو اغیز پرېږدي بلکې افغانستان به په نړۍواله کچه او اسلامي نړۍ په کچه منزوي کړي.

روزا اتونبایوا ویلي چې له اقتصادي پلوه پرمختللي افغانستان او هوسا افغان ټولنې لپاره مساوي زده کړې اړینې دي.

هغې زیاته کړې چې د نجونو زده کړې یوازې د لویدیځو هېوادونو غوښتنه نه بلکې د اسلامي هېوادونو غوښتنه هم ده او پر اسلامي امارت یې غږی کړی چې زده کړې یوازې د اخلاقي الزام په توګه نه بلکې د سولې او هوساینې لپاره د حیاتي امر په توګه په رسمیت وپیژني.