سرپرست حکومت: نړۍ دې پر غزې د اسرائیلو د بریدونو مخه ونیسي
- 7 مياشتي دمخه (08/05/2024)
- سمسور نیوز
- 261
سرپرست حکومت پر رفح ښار د اسرائیلو د بریدونو غندنې ترڅنګ د نړۍ پر اسلامي او نورو هېوادونو غږ کړی، چې د دغې غمیزې مخنیوی وکړي.
د اسلامي امارت ویاند ذبیح الله مجاهد په یوه خپره کړې اعلامیه کې ویلي چې پر رفح ښار د اسرائیلو برید د فلسطینیانو ټول وژنه او جنګي جنایت دی.
اعلامیه کې راغلي چې د نړۍ اغېزناک هېواونه هم نه دي توانېدلي چې غزه کې د فلسطینیانو د ټول وژنې مخه ونیسي.
د یادونې ده چې اسرائیلو تېره ورځ پر رفح ښار بریدونه پیل کړل، چې تر اوسه یې لسګونه کسانو ته مرګ ژوبله اړولې.
بل لورته د ملګرو ملتونو سرمنشي انتونیو ګوترېش هم دا بریدونه غندلي او د ژر تر ژره درېدو غوښتنه یې کړې.
رفح ښار پر غزې د اسرائیلو له بریدونو د بې ځایه شویو فلسطیني کورنیو وروستی تم ځای بلل کېږي، چې اوس مهال په کې نږدې یو نیم میلیون بې ځایه شوي فلسطینیان په کې مېشت دي.