سمسور

تېره میاشت پر زرګونو کورنیو د ۲۰۰ میلیونه افغانیو مرسته وېشل شوې

• 1 مياشت دمخه (03/03/2025)
• شریف الله ولیزاد
• 67

د کډوالو او بېرته راستنېدونکو چارو وزارت خبر ورکوي، چې د روان ۱۴۰۳ لېږدیز لمریز کال په تېره سلواغه میاشت کې یې پر زرګونو کورنیو د ۲۰۹ میلیونه، ۲۳۸ زره او ۷۸۳ افغانیو مرسته وېشلې ده. 

دغه وزارت نن په یوه خبرپاڼه کې لیکلي، چې دغه مرسته یې د هیواد په ټولو ولایتونو کې پر ۶۵ زره او ۶۳ بې ځایه شویو، راستنېدونکو او اړمنو کورنیو وېشلې ده. 

په خبرپاڼه کې راغلي، چې دغه مرسته د ملي او نړیوالو مرستندیو سازمانونو په مالي ملاتړ ترسره شوې، چې خوراکي او غیر خوراکي توکې، جامې، نقدې پیسې او روغتیايي کڅوړې پکښې شاملي وې.