د ۲۰۲۵ کال لپاره له ترکمستان سره د برېښنا تړون لاسلیک
- 1 اونۍ دمخه (07/12/2024)
- سمسور نیوز
- 31
د افغانستان د برېښنا شرکت اجرائیوي مشر ډاکتر عبدالباري عمر ترکمستان ته د سفر په لړ کې د ۲۰۲۵ کال لپاره د برېښنا تړون لاسلیک کړ.
د افغانستان برېښنا شرکت له لوري په خپره شوې خبر پاڼه کې راغلي چې د دې تړون له مخې به په څلورو مسیرونو «اندخوی، اقینې، بادغیس او تورغونډۍ ـ هرات» کې له ترکمنستانه افغانستان ته برېښنا اخیستل کېږي.
د یادونې ده چې د افغانستان برېښنا شرکت تر دې وړاندې له تاجکستان سره هم د وارداتي برېښنا تړون د یوه بل کال لپاره غځولی و.
افغانستان خپله د اړتیا وړ لویه برخه برېښنا له تاجکستان، ترکمنستان، ایران او ازبکستان څخه واردوي.