واشنګټن ته د بېجېنګ خبرداری: د چین له سرې کرښې مه تېرېږئ
- 7 مياشتي دمخه (27/04/2024)
- سمسور نیوز
- 299
بېجېنګ واشنګټن ته جدي خبرداری ورکړی، چې د چین له سرې کرښې تېر نه شي.
د چین د بهرنیو چارو وزیر له خپل امریکايي سیال سره په لیدنه کې د چین حاکمیت، امنیت او پرمختګ د دغه هېواد سره کرښه بللې او له واشنګټنه یې غوښتي، چې له دې کرښې تېر نه شي.
وانګ يي زیاته کړې، چې واشنګټن باید د کړکېچ د زیاتولو هڅه ونه کړي.
ورته مهال د امریکا د بهرنیو چارو وزیر د دواړو هېوادونو پر ژمنو او د اړيکو پر پرمختګ ټينګار کړی دی.
دا له يوه کال څخه په کمه موده کې چين ته د انتوني بلېنکن دویم سفر دی.
د یادونې ده، چې د اوکراین جګړه، تایوان او سوداګرۍ په ګډون د بېلابېلو مسایلو له امله د دواړو هېوادونو ترمنځ د کړکېچ کچه لا هم لوړه ده.