په بی وزلۍ کې صبر
2020-09-21
چې رازق د بنده ګانو کــــــــرده ګــــــــــار دی
حوصله صبر په فقر کې پــــــــکــــــــــــــار دی
په نیستۍ کې ناشکري خلکو ګـــــــــنــاه ده!
په خوارۍ چې قناعت کړي افـــــــــتـــخار دی
چې شاکر په هر حالت کې وي خپـــــل رب ته
دلوی رب د پیرزوینې ســــــــــــــــــــزاوار دی
صابرین په بی وزلۍ به بډایـــــــان شــــــــــي
خدای کریم دی مــــــهـــــربـــــانه او غفار دی
په مراد به یی هــوس آرمـــــــان رسیــــــږي
په سختۍ کې چې څوک رب ته وفادار دی
ثـــــمـــــــــــره ددې آزمــــــون د رب به ویني
په تیارو کې چې رڼا ته انـــــــتــــــــظار دی
نا شکران به په غضب د خدای ککــړ وي
چی صابر نه وي میرخیله خواروزار دی
۲۰۰۴/۱۲/۰۴ ستوکهلم سویډن