تر سو به زه بوګنيږم په ولاړه زما پيره
ما خپل سادر کې ځان سره درنغاړه زما پيره
رنځور يم زما پکار دي درملنې لره ای
بس لږ غوند رانه تاو که د خولې لاړه زما پيره
هوس که مې شکست دی خو دا تنده هم توبه
ته اوګوره زما د شونډو پاړه زما پيره
دا مخ تندی مې ځکه نن وهم په دواړو لاسو
د چا په حق کې بنده مې ده غاړه زما پيره
د ښپو خاپونه ټول ستا ما شمارلي په خپل پل
د ښار نه راشورو آين تر دې شاړه زما پيره
د ډيرې خوشحالۍ مې سترګې ډکې شوې او راغله
دا اوښکه نو اوس کم طرف ته لاړه زما پيره
ای دا دی درته مخي ته او پروت يم پاڼي پاڼي
اوس ستا کيف دی په هر کيف کې مې ژباړه زما پيره
ته زړه د سرور څه کې خو مثال يي دسې واخله
دې چاود ځمکې ته ګوره داسې تراړه زما پيره