2020-09-21
سر به ستا په نوم قربان کړو ای وطنه
څو چې لوړ داستا نښان کړو ای وطنه
زمونږ وينه کې همدومره زور پيدا کړه
چې نابود دې دُښمنان کړو ای وطنه
ستا خوږه مينه مو زړه کې ده ساتلې
هر يو درد به دې درمان کړو ای وطنه
ستا په پاکه سينه مونږ خاپوړې کړي
ستا دښتونه بـــــه ګُلان کړو ای وطنه
ته مو مور يې مونږه واړه ستا بچيان يو
تا به لمر د شــــين اسمان کړو ای وطنه
( هېواد ) لوړه کړي دا ستا په پاکه مينه
تا بــــــــــــــه بيا افغانستان کړو ای وطنه