سمسور

ایرلېنډ افغانستان سره درې یو ورځنۍ لوبې کوي.

• 3 کاله دمخه (11/12/2020)
• خالد سهار
• 1248

د ایرلېنډ کرکټ بورډ د افغانستان پر وړاندې درو یو ورځنیو سیالیو لپاره خپله ۱۶ کسیزه لوبډله وټاکله.

د راپورونو له مخې، د ایرلېنډ کرکت بورډ ملي لوبډله د متحده عربي اماراتو او د افغانستان کرکټ ملي لوبډلې سره د یو ورځنیو نړیوالو لوبو لپاره ۱۶ کسیزې لوبډلې نوملړ اعلان کړ، چې لوبډلمشري به یې انډریو بیلبیرني کوي. دا لوبې د راتلونکي نړیوال سوپر لیګ جام ته د لوبغاړو د غوراوي په موخه ترسره کېږي.

د افغانستان او ایرلېنډ ترمنځ کرکټ سیالۍ د افغان کرکټ بورډ په کوربه توب ترسره کېږي، چې لومړۍ لوبه به د جنورۍ په ١٨مه، دويمه د جنورۍ په ٢١مه او درېيمه د جنورۍ په ٢٣مه نېټه ترسره شي.افغان کرکټ بورډ بیا تر دې مهاله خپله لوبډله نه ده اعلان کړې.