سمسور

د یوسف رشید قاتلین دې ونیول شي.

• 3 کاله دمخه (23/12/2020)
• کامران احمدزی
• 1124

حکومت دې د یوسف رشید د مړینې په اړه جدي څېړنې وکړي.

دافغانستان ولسي جرګې غړي وایي، حکومت ته پکار ده، چې د یوسف رشید قاتلین پیدا کړي، دوی وایي، افغان حکومت باید په دې برخه کې جدي څېړنې وکړي. د ولسي جرګې غړي، حکومت د خلکو په امنیت کې ناکام بولي، او وایي د ولسمشر د لومړي مرستیال امرالله صالح امنیتي اقدامات بې ګټې دي.

نن سهار ناپيژانده وسله والو د افغانستان د ازادو او عادلانه ټاکنو بنسټ مشر یوسف رشید کابل کې په یو وسله وال برید کې وواژه. ولسې جرګې دغه برید غندلی او له حکومت یې د نوموړي د قاتلینو د نیولو غوښتنه کړې.