سمسور

۱۸ کاله وروسته ننګرهار او لغمان کې د واورې وریدل

• 3 کاله دمخه (27/12/2020)
• محمد نسیم ستانکزی
• 1211

د ننګرهار په جلال اباد او د لغمان په مهترلام بابا ښارونو کې له ۱۸ کلونو وروسته واوره وریدلې.

د ننګرهار ولایت اوسیدونکي له ۱۸ کلونو وروسته په دغه ولایت کې د واورې وریدل د سولې رامنځته کیدو په هیله په نیک فال ګڼي او له فرصت څخه په استفادې یې په واوره د سولې شعارونه لیکلي.

د ننګرهار او لغمان یو شمیر اوسیدونکو په دغو دوه ولایتونو کې له نږدې دوه لسیزو وروسته د واورې وریدل د سوله ییز ژوند نوی پړاو بللی او پر ټولنیزو پاڼو یې هم د واورې بیلابیل انځورونه خپاره کړي دي.

تر دې وړاندې د حامد کرزي د موقتې دورې په لومړیو کې د یادو ولایتونو په مرکزونو کې واوره وریدلې وه چې د خلکو په وینا له هغه وروسته یې په ژوند کې اساسي سیاسي او اقتصادي بدلونونه رامنځته شول.