سمسور

غني: واک یوازې منتخب حکومت ته سپارم

• 3 کاله دمخه (09/01/2021)
• محمد نسیم ستانکزی
• 1117

ولسمشر محمد اشرف غنِ له سي این این ټلویزیون سره په تازه مرکه کې یو ځل بیا پر خپلو هغو څرګندونو ټینګار وکړ چې واک به یوازې یو منتخب حکومت ته وسپاري.

ولسمشر غني په یاده مرکه کې د سولې خبرو د بیا پیل هرکلی کړی او ویلي یې دي په کار ده چې ددې خبرو پایله د ملي حاکمیت لرونکی او یو موټی افغانستان وي چې له خپلو ګاونډیانو سره په سوله کې وي.

ولسمشر دغه راز دا هم وویل چې د سولې بهیر باید د افغان حکومت او افغانانو په مالکیت وي او د څلویښت کلنې جګړې د پای لپاره د نړیوالې ټولنې او سیمه ییزو هیوادونو ضمانت مهم دی.

غني په دې مرکه کې دا هم وویل چې افغانستان کې د امریکایي ځواکونو د حضور په اړه به د دواړو هیوادونو د ګډو ګټو له مخې پریکړه کیږي.

ولسمشر او د هغه لومړي مرستیال وړمه ورځ جلال اباد کې هم د ټاکنو له لارې د واک پر لیږد ټینګار کړی و، خو طالبانو د دې څرګندونو په ځواب کې ویلي وو چې د واک د لیږد په اړه باید پرېکړه په دوحه کې د سولې په روانو خبرو کې وشي.