کندز کې د ۱۶ ولسي پاڅون کوونکو وژل کیدل
- 3 کاله دمخه (05/02/2021)
- محمد عزیر ستانکزی
- 1266
د کندز ولایت سیمه ییزې سرچینې وایي ددغه ولایت په خان اباد ولسوالۍ کې د ولسي پاڅون کوونکو پر پوسته د وسله والو طالبانو په برید کې ۱۶ ولسي پاڅون کوونکي وژل شوي او دوه نور ټپيان دي.
د کندز د ولایتي شورا رییس محمد یوسف ایوبي وايي دغه پیښه د خان اباد ولسوالۍ په تپه اختر سیمه کې رامنځته شوې چې له امله یې یاده مرګ ژوبله اوښتې ده.
نوموړی وایي په دغه نښته کې وسله والو طالبانو ته هم تلفات اوښتي خو د شمیر په اړه یې معلومات نه لري.
وسله والو طالبانو هم تر اوسه په دې اړه څه نه دي ویلي.