سمسور

لغمان کې درې تنه د بېلا بېلو جرمونو په تړاو نیول شوي دي.

• 3 کاله دمخه (06/02/2021)
• خالد سهار
• 1067

د لغمان ولایت امنیه قوماندانۍ څخه په یوه خپره شوې خبر پاڼه کې راغلي، چې ددې ولایت منسوبینو د څو جلا عملیاتو په پایله کې د مرکز مهترلام، لومړۍ او دوهمې امنیتي حوزو په مربوطاتو کې درې تنه د بېلا بېلو جرمونو په تړاو نیولي دي.

سرچینه وایي، د یادو کسانو څخه دوه تنه د نشه یي توکو قاچاق او پلورلو، یو تن د انسان قاچاق په تړاو تر پېژندنې وروسته نیول شوي دي.

د سرچینې په حواله، چې له نیول شویو کسانو څخه یو میل تفنګچه، یو کیلو او ٥٠ ګرامه خام چرس یو اندازه نور بېلا بېل ډوله نشه یي توکي هم ترلاسه شوي دي.

سرچینه زیاتوي، چې د دغو کسانو نسبتي دوسیې به تر لومړنیو څېړنو وروسته اړونده بنسټ ته وسپارل شي.