سمسور

پکتیکا کې ۳ طالبان وژل شوي او یو ژوندی نیول شوی

• 3 کاله دمخه (20/02/2021)
• محمد عزیر ستانکزی
• 1142

د ۲۰۳ تندر قول اردو مسوولینو وايي اغان ځواکونو د پکتیکا ولایت د ګومل ولسوالۍ اړوند سیمه کې عملیات ترسره کړي چې په پایله کې یې ۳ وسله وال طالبان وژل شوي او یو تن ژوندی نیول شوی.

د یادې قول اردو له لوري په خپره شوې خبرپاڼه کې راغلي چې افغان ځواکونو دغه عملیات د یادې ولسوالۍ په بوبي سیمه کې تر سره کړي.

د خبرپاڼې له مخې په دغو عملیاتو کې د وسله والو طالبانو یوه اندازه وسلې او مهمات هم د افغان ځواکونو لاس ته ورغلي دي.

وسله والو طالبانو تر اوسه په دې اړه څه نه دي ویلي.