سمسور

دوه ایرلینډي لوبغاړي د خپلې لوبډلې روزونکي شول

• 3 کاله دمخه (29/03/2021)
• حضرت علي میاخیل
• 2061

د ایرلینډ دوه لوبغاړو نړیوال کرکټ پرېښود؛ خو بیرته د لوبډلې روزونکي وټاکل شول

د ایرلینډ کرکټ بورډ اعلان وکړ، چې دوه ایرلینډي لوبغاړو ویلیم پوټر فیلډ او ګیري ویلسن له نړیوال کرکټ سره مخه ښه وکړه، خو بېرته د لوبډلې روزنکي وټاکل شول. 

د ایرلینډ د کرکټ بورډ د معلوماتو له مخې ویلیم پوټر فیلډ د ایرلینډ لوبډلې د ډګر ساتنې یا هم د فیلډینګ روزونکی ټاکل شوی او ګیري ویلسن به د ویکټ ساتنې یا هم کیپینګ په برخه کې د ایرلینډ لوبډلې روزونکی وي.

ویلیم پوټر فیلډ د ایرلینډ یو مخکښ لوبډلمشر وه، چې دده په لوبډلمشرۍ کې ایرلینډ لوبډلې ګڼې لوبې ګټلې وې. ګیري ویلسن بیا د ایرلینډ لوبډلې یو غوره ویکټ ساتونکی وه، چې ده هم د ویکټ ساتنې په برخه کې ښه کارکرده ګي کړې وه.