محب: روسیه، چین او هندوستان دې د تروریزم ضد مبارزې برخه کې ورسره همکاري وکړي
- 3 کاله دمخه (10/07/2021)
- سمسور نیوز
- 1433
د رسنیو د راپورونو پر بنست، د ملي امنیت شورا سلاکار حمدالله محب تېره ورځ له روسیې، چین او هندوستان غوښتي، چې له افغان ځواکونو سره مرسته او همکاري وکړي.
نوموړي ویلي، چې له افغانستان سره د نورو هېوادونو مرستې باید د افغانستان په داخلي چارو کې د لاسوهنې په مانا نه وي او نه دوی غواړي، چې د یو ځبر ځواک هېواد پر ځای بل ځبر ځواک ته ځای ورکړي.
حمدالله محب همداراز ویلي، چې د ټولو بهرنیو شریکانو، روسیې، چین او هند له مسلکي همکارۍ هرکلی کوي.
حمدالله محب څو ورځې وړاندې د یو خبري کنفرانس پر مهال ویليو، چې د منځنۍ اسیا هېوادونه د افغانستان د روانې امنیتي وضعې په اړه اندېښمن دي.
هغه د تاجکستان لهخوا د افغانستان د پولې په اوږدو کې د ۲۰ زرو سرتېرو د ځای پر ځای کېدو په اړه ویلي، چې تاجکستان په دې ورځو کې د بدخشان امنیتي وضعیت د خرابېدو له کبله ډېر تشویش لري.
د محب په وینا، په شېرخان بندر کې چې کوم وضعیت پېښ شو هغه ډېر په تشویش کړي، نو طبیعي خبره ده چې دوی به د خپل امنیت لپاره بعضې اقدامات کوي.
د افغانستان د ملي امنیت سلاکار حمدالله محب بیا ډاډ ورکوي، چې د امریکا له لوري افغان هوايي ځواک ته تازه هلیکوپټرې رسېږي او ژر به په وضعیت کې تغییر راشي.