نیمروز کې یوه ځوانه مېرمن د خپل ټیکري په وسیله زندۍ شوې او مړه شوې
- 2 کاله دمخه (05/05/2022)
- سمسور
- 792
سمسور (۱۵غوایی۱۴۰۱) نیمروز کې ځایي سرچینې وایي، چې د دغه ولایت په مرکز زرنج کې د یوې ځوانې مېرمنې مړی موندل شوی دی.
سرچینې همداشان زیاته کړې، چې د دغې مېرمنې مړی چې هویت یې تر اوسه نه دی تثبیت شوی، پرون د مرکز زرنج له نادعلي کلا سیمې ترلاسه شوی دی.
د سرچینې د مالوماتو لهمخې، دغه مېرمن چې کابو شل تر دېرش کاله عمر لري، د خپل ټیکري په وسیله زندۍ شوې او مړه شوې ده.
تر اوسه د دغه قتل لامل او عاملان نه دي روښانه شوي او نه هم نیمروز کې طالب چارواکو په دې اړه رسنیو ته څه ویلي دي.