حمدالله محب: د حکومت د سقوط یو لامل د رسنیو ناسم معلومات خپرول و
- 2 کاله دمخه (13/05/2022)
- سمسور
- 843
سمسور (۲۳غوایی۱۴۰۱) راپرځېدلي حکومت کې د ملي امنیت شورا سلاکار حمدالله محب د حکومت د سقوط یو لامل د رسنیو لهخوا د ناسمو معلومات خپرول بللی دی.
ښاغلي محب دا څرګندونې اکسفورډ پوهنتون کې د افغانستان په اړه یوې ناستې ته کړې دي.
نوموړي دغه پوهنتون ته په خپله وینا کې ویلي، چې د تېر افغان حکومت د سقوط یو لامل رسنۍ وې، چې ناسم معلومات یې خپرول او د سرتېرو مورال یې زیانمنوه.
باید وویل شي، چې اکسفورډ پوهنتون د تېرې چهارشنبې په ورځ ښاغلی محب د افغانستان د پخواني حکومت د سقوط او اوسني وضعیت پر سر وربللی و، چې هلته خبرې وکړي.