سمسور

کونړ، کندوز او بدخشان کې چاودنو لسو کسانو ته مرګ ژوبله اړولې

• 2 کاله دمخه (12/06/2022)
• سمیر احمد
• 674

سمسور (۲۲غبرګولی۱۴۰۱) ځایي سرچینې وایي، په کونړ، کندوز او بدخشان ولایتونو کې چاودنې رامنځ ته شوې دي.  

ځایي سرچینه وایي، چې د کونړ کې په مرکز کې نن سهار د چاودنې له امله یو پولیس وژل شوی او څلور نور ژوبل دي.  

د مالوماتو له مخې، چاودنه په رنجر موټر کې د ځای پرځای شوي ماین له امله شوې ده. 

په ورته مهال، کندوز کې هم د صرافيو مارکېټ ته نږدې د سړک غاړې د ماین چاودنې له امله ۴ ملکیان ژوبل دي.

په همدې حال کې، ځایي سرچینې د بدخشان د مرکز فیض اباد ښار اړوند کري سیمه کې د یوې چاودنې خبر ورکوي. 

دغه چاودنه نن سهار شوې او تر اوسه له دغې پېښې یو ماشوم روغتون ته لېږدول شوی دی.

تر اوسه د دغو چاودنو مسوولیت کومې ډلې پر غاړه نه دی منلی.