ملا برادر: تېر یو کال کې مو ملت ته هېڅ نهدي کړي
- 2 کاله دمخه (19/10/2022)
- سمیر احمد
- 774
سمسور نیوز (۲۷تله۱۴۰۱) د ا.ا د ریاستالوزرا مرستیال ویلي، چې حکومت په تېر یو کال کې ملت ته هېڅ نه دي کړي.
ملا عبدالغني برادر دا څرګندونې نن په کابل کې د کرنیزو محصولاتو نندارتون په غونډه کې کړې دي.
برادر په دې غونډه کې دا هم ویلي، چې ملت له دوی ناخوښ دی او اړتیا ده، چې د بنسټیزو پلانونو په پلي کېدو سره یې قناعت ترلاسه شي.
د هغه په خبره، اسلامي امارت باید لا ډېر کار وکړي، څو د ولس زړونه لاس ته راوړي.
ده زیاته کړې، چې که افغانستان د نغدو پیسو له نشتون سره مخ دی؛ خو د کانونو له اړخه شتمن دی او باید د سپړلو لپاره یې بنسټیز کارونه پیل شي.