سمسور

پاکستاني پولیسو منظور پښتین د ترهګرۍ په ملاتړ او خیانت تورن کړی

• 2 کاله دمخه (25/10/2022)
• سمیر احمد
• 882

سمسور نیوز (۳لړم۱۴۰۱) د پاکستان پولیسو د پښتون ژغورنې غورځنګ مشر، منظور احمد پښتین د پاکستاني پوځ پر مشرانو او جنرالانو د نیوکې له امله په خیانت او ترهګرۍ تورن کړی دی.  

د پاکستان د پولیسو دغه پرېکړه د یو پاکستاني له شکایت وروسته شوې ده.   

پښتین د دې شکایت په غبرګون کې ویلي، چې د ظلم پر وړاندې به یې په شکایتونو او بندي کېدو سره غږ چوپ نه‌شي او یوازې عدالت یې د حل لار ده. 

پاکستاني رسنیو خبر ورکړی، چې منظور پښتین په خپله وروستۍ وینا کې د پاکستان د پوځ قومندانان د پښتنو په سیمو کې په عام وژنه تورن کړل.