سمسور

بلوچستان کې د بس چپه کېدو پېښه کې ۳۴ کسانو ته مرګ ژوبله اوښتې

• 1 کال دمخه (09/01/2023)
• سمسور نیوز
• 878

سمسور نیوز (۱۹مرغومی۱۴۰۱) د بلوچستان ایالت په قلعه سیف الله سیمه کې یو مسافر وړونکی بس موټر چپه شوی چې په کې شپږ مسافر مړه او شااوخوا ۲۸ نور ژوبل دي.

د راپورونو پر اساس، پېښه پرون شپه هغه مهال رامنځ ته شوه چې یاد مسافر وړونکی بس یوې ژورې کندې ته ولوېد.  

د معلوماتو له مخې، په دې پېښه کې ښځې او ماشومان هم شامل دي.  

پاکستاني چارواکو په دغه پېښه کې د نهو ټپي شویو کسانو روغتیايي حالت نازک ښودلی. 

ویل کېږي، په دغه مسافر وړونکي بس کې سپاره کسان شعیه زیارت کوونکي وو.