ندیم: ښوونیز نظام کې مو د بېعدالتۍ او فساد جرړې اېستلې
- 1 کال دمخه (26/03/2023)
- سمسور نیوز
- 614
سمسور نیوز (۶وری۱۴۰۲) د لوړو زدهکړو سرپرست وزیر وایي، د هېواد په ښوونیز او تحصیلي نظام کې یې د بېعدالتي او فساد جرړې اېستلې دي.
ندا محمد ندیم د تخنیکي او مسلکي زدهکړو د زدهکوونکو د نوي ښوونیز کال د پیل په مراسمو کې ژمنه کړې، چې د هېواد د ښوونیز او تحصیلي نظام ټولو ستونزو ته به رسېدنه وشي.
په همدې حال کې د تخنیکي او مسلکي زده کړو ادارې رئیس غلام حیدر شهامن ویلي، چې د دې ادارې نصاب يې له نړیوالو معیارونو سره برابر کړی دی.
د تخنیکي او مسلکي زدهکړو ادارې د معلوماتو له مخې، په ټول هېواد کې له ۳۷۰ ډېر انسټیټونه شته، چې له ۵۰ زره ډېر کسان پکې په زدهکړو بوخت دي.