سمسور

کرنې وزارت: تېرکال نږدې ۵۹ زره مټريک ټنه د بنډیو حاصلات راټول شوي

• 1 کال دمخه (16/04/2023)
• سمسور نیوز
• 618

سمسور نیوز (۲۷وری۱۴۰۲) د کرنې، اوبولګونې او مالدارۍ وزارت وایي، تېر کال په هېواد کې ۵۸زره او ۹۳۰ مټریک ټنه د بنډیو حاصلات راټول شوي دي.

د یاد وزارت له لوري په خپره شوې خبر پاڼه کې راغلي، چې تېر کال پر څه باندې ۷ زره هکټاره ځمکه بنډۍ کرل شوې وه.

د بنډیو دغه حاصلات د ننګرهار، لغمان، فراه، هلمند، کندهار، هرات، بلخ او کندز ولایتونو له کروندو څخه ترلاسه شوي دي. 

د مالوماتو له مخې، بنډۍ غوره خوړنیز ارزښت لري، چې د کال په بېلابېلو فصلونو کې په شنو خونو کې هم کرل کېږي، چې له دې ډلې مزاري بنډۍ غوره شهرت او بازار لري.