سوډان کې خپلمنځي نښتې؛ امریکا خپل ډیپلوماټان و اېستل
- 1 کال دمخه (23/04/2023)
- سمسور نیوز
- 512
سمسور نیوز (غوایي۱۴۰۲) د امریکا د متحدو ایالتونو پوځ د سوډان له پلازمېنې خرطوم د امریکا د حکومت پرسونل تخلیه کړ.
دا خبره د امریکا د متحدو ایالتونو ولسمشر جو بایډن پرون وکړه او زیاته یې کړه چې واشنګټن په خرطوم کې خپل فعالیت ځنډولی دی.
د عبدالفتاح البرهان په مشرۍ د سوډان د پوځ او د محمد حمدان دقلو په مشرۍ د چټک ملاتړ د ځواکونو په نوم د ملېشه ځواک ترمنځ جګړې د تېرې اوونۍ له شنبې ورځې روانې دي.
ولسمشر بایډن په خپله اعلامیه کې وویل، دغه شخړې تر اوسه د سلګونو ملکیانو د مړینې سبب شوي دي.
د هغه په وینا، دا شخړې د منلو وړ نه دي او باید ودرول شي.
له سوډان څخه د بهرنیو وګړو د ایستلو پروسه د سره سمندرګي له لارې پیل شوې ده.