پنجاب؛ په یوه کور کې دننه چاودنې ۸ تنو ته مرګژوبله اړولې
- 1 کال دمخه (01/06/2023)
- سمسور نیوز
- 611
د پاکستان د پنجاب ایالت په یوه کور کې د چاودنې له کبله شپږ کسان وژل شوي او دوه نور ټپیان دي.
د راپورونو له مخې، پېښه نن پنجشنبه د کوټ اډو په دیره دین پناه سیمه کې رامنځ ته شوې ده.
ځایي پولیسو ویلي، چې وژل شوي کسان دوه ښځې، دوه نارینه او دوه ماشومان ټول د یوې کورنۍ غړي دي، چې د کباړو کاروبار یې کاوه.
د سرچینې په وینا، یاده کورنۍ د کباړو په راټولولو بوخته وه، چې چاودنه پرې وشوه.