سمسور

پاکستان له افغانستان سره جنس په جنس سوداګري پیلوي

• 1 کال دمخه (03/06/2023)
• سمسور نیوز
• 535

د پاکستان حکومت له افغانستان، ایران او روسیې سره جنس په جنس سوداګري پیلوي. 

د یاد هېواد د سوداګرۍ وزارت تېره ورځ ویلي چې دا سوداګري به له یادو درې واړو هېوادونو سره په یو ځای عملي شي.

دغه وزارت زیاته کړې، په پاکستان کې شخصي او دولتي شرکتونه کولای شي چې افغانستان، ایران او روسیې ته صادرات وکړي او له هغه ځایه خام تېل، طبیعي مایع ګاز، مېوه، غنم، صنعتي ماشین الات او سبزیجات وارد کړي.

یاد هېواد په داسې حال حال کې د جنس په جنس تبادلې خبر ورکوي، چې اوس مهال د دغه هېواد اقتصادي وضعیت سخت خراب شوی.