ډبلیواېفپي: یوازې پنځه میلیونه افغانانو ته مرستې رسولی شو
- 1 کال دمخه (09/07/2023)
- سمسور نیوز
- 452
د خوړو نړۍوال پروګرام د افغانستان برخې مسوول وایي، په ۲۰۲۳ کال کې په افغانستان کې له اړمنو سره د مرستې لپاره ۲،۲ میلیارد ډالر بودجې ته اړتیا ده.
د خوړو نړۍوال پروګرام د افغانستان برخې د مسوول هسیایو ويلي له قوله لیکلي چې په دغه هېواد کې د اسلامي امارت له بیا واکمنېدو وروسته شاوخوا ۲۳ میلیون افغانان له اقتصادي ستونزو سره مخ دي.
هغه ادعا کړې ده، اوسمهال شاوخوا ۱۵ میلیون افغانان له سختې قحطۍ سره مخ دي چې د خوړو نړۍوال پروګرام د بودجې نشتوالي له امله له دې ډلې یوازې ۵ میلیون کسانو ته رسېدنه کولای شي.
دغه سازمان څرګنده کړې ده چې د کووید۱۹ ترڅنګ وچکالي او په اوکراین کې جګړې هم په افغانستان کې د خوراکي توکو پر بیو اغېز کړی دی.