سره میاشت: ۲۴ زره بېسرپرسته کونډو مېرمنو سره مرستې کوو
- 1 کال دمخه (11/07/2023)
- سمسور نیوز
- 523
د افغاني سرې میاشتې ټولنې له لوري په ټول هېواد کې له ۲۴ زره بې سرپرسته کونډو مېرمنو سره د مرستو د وېش لپاره سروې پیل شوې.
د یادې ادارې ویاند عرفان الله شرفزوی ویلي چې یاده سروې به تر راتلونکې اوونۍ پورې بشپړه شي.
د شرفزوی په خبره، په کندهار، هلمند، ارزګان، او زابل ولایتونو کې دا سروې دوه اوونۍ وړاندې بشپړه شوې چې هلته له ۴ زره بې سرپرسته کونډو مېرمنو سره د ۳۴ میلیونه افغانیو په ارزښت مرستې هم شوې دي.
د یادونې وړ ده چې د سرې میاشتې له لوري په ټول هېواد کې له کونډو بې سرپرسته مېرمنو سره ۲۰۴ میلیونه افغانۍ نغدي مرسته کېږي.
یادې ادارې تر دې وړاندې هم د هېواد په ګڼو ولایتونو کې له اړمنو خلکو سره نغدي او د خوارکي توکو مرستې کړې دي.