له پاکستانه افغانستان ته د وارداتو کچه کمه شوې
- 1 کال دمخه (14/07/2023)
- سمسور نیوز
- 501
د افغانستان او پاکستان د سوداګرۍ ګډې خونې مسؤلین وايي، له پاکستانه افغانستان ته د وارداتو په کچه کې کموالی راغلی دی.
د یادې خونې رئیس نقیبالله ساپي، د صادراتو په کچه کې د کموالي لاملونه بانکي او ټرانسپورټي ستونزې، په هېواد کې د پېر او پلور بازار پیکه کېدل، د ویزې په برخه کې ستونزې او په پاکستان کې منفي مالي ناورین، بللي دي.
بل لورته، د صنعت او سوداګرۍ وزارت پاکستان ته د صادراتو له زیاتېدو خبر ورکړی دی.
دغه وزارت وايي، د روان لمریز کال په لومړیو دریو میاشتو کې د ۲۰۱ مېلیونه ډالرو په ارزښت سوداګریز توکي پاکستان ته صادر شوي دي.
د دې وزارت په وینا، پاکستان ته تر ډېره تازه مېوې، غالۍ، پنبه او د ډبرو سکاره صادر شوي دي.