امر بالمعروف وزیر: سوداګر باید هېواد ته د ښځو چسپې جامې رانه وړي
- 1 کال دمخه (27/08/2023)
- سمسور نیوز
- 490
د امر بالعروف سرپرست وزیر ویلي، سوادګر باید هېواد ته د هغو ښځینه جامو له واردولو ډډه وکړي، چې چسپې وي او بدن یې په کې ښکاري.
شېخ خالد حنفي تېره ورځ بامیانو ته د خپل سفر پر مهال له سوداګرو غوښتي چې د ښځو داسې کالي هېواد ته را وارد کړي، چې افغاني او اسلامي بڼه ولري.
نوموړي همداراز ویلي چې وروسته له دې بند امیر ته د ښځو پر ورتګ هم بندیز ولګېد او مسوولین باید دا فرمان عملي کړي.
دا په داسې حال کې ده چې واک ته د اسلامي امارت له رسېدو وروسته پر مېرمنو د کار او زده کړو ترڅنګ یو شمېر نور بندیزونه هم لګېدلي دي.